Myunxenning “Bavariya” klubi “Lill”ning 24 yoshli hujumchisi Jonatan Davidga qiziqish bildirmoqda. Bu haqda Florian Plottenberg xabar berdi.
Manbaga ko’ra, kanadalik futbolchining ko’rsatayotgani o’yini myunxenliklar rahbariyatiga ma’qul kelmoqda.
Bundan tashqari, uning “Lill” bilan tuzgan amaldagi shartnomasi 2025-yilning yozida yakuniga yetadi, bu esa uni erkin agent sifatida qo’lga kiritish imkonini beradi.
Ta’kidlanishicha, 24 yoshli futbolchini Yevropaning ko’plab yetakchi klublari, xususan, Kataloniyaning “Barselona” klubi ham faol ravishda kuzatib bormoqda.
Ma’lumot uchun, David joriy mavsum barcha turnirlarda 19 ta o’yin o’tkazib, 13 ta gol urdi va 2 ta golli uzatmani amalga oshirdi. Uning Transfermarkt’dagi narxi 45 million yevroga baholanmoqda.
