Futbolda VAR’ga muqobil paydo bo’lishi mumkin.
ESPN xabariga ko’ra, FIFA FVS tizimini sinovdan o’tkazishni davom ettirmoqchi, bu esa murabbiylarga videotakrorlarni ko’rish uchun so’rovlar yuborish imkonini beradi. U birinchi bor 17 yoshgacha va 20 yoshgacha bo’lgan ayollar o’rtasidagi Jahon chempionatida sinovdan o’tkazilgan.
Jahon futbolining boshqaruv organi o’yin qoidalarini tartibga soluvchi Xalqaro futbol assotsiatsiyasi kengashi (IFAB) FVS’dan boshqa musobaqalarda ham foydalanishga ruxsat berishiga umid qilmoqda.
Rejaga ko’ra, jamoaning murabbiylari har bir uchrashuv uchun ikkitadan so’rov yuborish huquqiga ega bo’ladi. Shundan so’ng, bosh hakam videoassistentlarga murojaat qilmasdan takroriy lavhalarni tomosha qiladi.
Biroq hozircha ushbu tizim faqatgina “kamroq resurslarga ega” ligalarda foydalanishi ko’zda tutilgan (stadiondagi kameralarning soni 4-5 tadan ortiq bo’lmagan o’yinlarda).
