Ertaga O’zbekiston milliy terma jamoasi Jahon chempionati saralash bosqichi doirasida BAA’ga qarshi maydonga tushadi.
Uchrashuvdan oldin tashkil etilgan matbuot anjumanida raqib futbolchisi Holid Eysa ishtirok etib, ertangi o’yin borasida o’z fikrlarini bildirib o’tdi.
“Menimcha, o’yin ikki jamoa uchun ham oson bo’lmaydi. Biz oson bahs kutmayapmiz. Biz o’zimizga va murabbiyimizga ishonamiz va ertangi bahsda muvaffaqiyat qozonishga harakat qilamiz.
Biz Jahon chempionatiga chiqishimizga ishonamiz: federatsiya, futbolchilar, umuman hamma. Muxlislar bizni qo’llab-quvvatlashini kutyapmiz. Ertangi bellashuvda buning uchun nima qilish kerak bo’lsa, hammasini qilamiz”, – deydi Eysa.
Eslatib o’tamiz, BAA – O’zbekiston o’rtasidagi o’yin ertaga, 5-iyun kuni Toshkent vaqti bilan soat 21:00 da start oladi. Ushbu bahsdagi durang natija ham bizni mundialga olib chiqadi.
