Londonning “Arsenal” klubi sobiq yarim himoyachisi Jey Emmanuel-Tomas giyohvand moddalar kontrabandasida ayblanib, hibsga olindi. Bu haqda Sky Sport xabar berdi.
Manbaga ko’ra, Jey Inverklid shahrida Shotlandiya politsiyasi tomonidan amalga oshirilgan operatsiyada qo’lga olingan.
Qayd etilishicha, avvalroq Stansted aeroportida Bangkokdan kelgan Emmanuel-Tomasning chamadonidan 60 kg “nasha” giyohvandlik moddasi topilgan, bu ish bo’yicha ikki ayol ham ayblangan, ammo keyinchalik garov evaziga qo’yib yuborilgan.
Ma’lumot uchun, 33 yoshli futbolchi “Arsenal” tarbiyalanuvchisi hisoblanadi. U asosiy jamoa safida jami 5 ta o’yin o’tkazgan.
Shuningdek, Emmanuel-Tomas “Bristol Siti”, “Ipsvich”, “Aberdin” va boshqa ko’plab jamoalarda ham to’p surgan. Hozirda u Shotlandiya 2-ligasi vakili “Marton” klubi futbolchisi sanalanadi.
