Kataloniyaning “Barselona” klubi markaziy himoyachisi Pau Kubarsi bosh murabbiy Xans-Diter Flikga asosiy tarkibdan joy ajratgani uchun minnatdorchilik bildirdi.
“O’yinlarni asosiy tarkibda boshlashimni bilmaganim uchun menda xavotir bor edi, ammo murabbiy menga ishonch bildirdi. Bu uchun undan juda minnatdorman.
U menga yanada ko’proq ishonishi uchun harakat qilishda davom etaman. U ajoyib mutaxassis, hatto o’yin tashqarisida biror narsa sodir bo’lgan taqdirda ham har doim futbolchilarga yordam berishga harakat qiladi”, – deydi Kubarsi.
Ma’lumot uchun, 17 yoshli himoyachi joriy mavsum barcha musobaqalarda 9 ta o’yinda maydonga tushib, bitta golli uzatmani amalga oshirdi. Uning kataloniyaliklar bilan tuzgan amaldagi shartnomasi 2027-yilning yoziga qadar amal qiladi.
