CIES Football Observatory hozirgi tarkibini shakllantirishga eng ko’p mablag’ sarflagan klublar reytingini e’lon qildi.
Unga ko’ra, birinchi o’rindan Londonning “Chelsi” klubi joy olgan. Jamoa o’yinchilarining umumiy qiymati bonuslar bilan hisoblanganda 1,28 milliard yevroni tashkil qiladi.
Qayd etilishicha, “arsitokratlar”ning hozirgi tarkibi tarixdagi eng qimmati hisoblanadi.
Ikkinchi o’rinda esa 1,04 milliard yevro bilan “Manchester Yunayted” qayd etilgan. Kuchli uchlikni 1,02 milliard yevro bilan “Manchester Siti” yakunlab bergan.
Eng qimmat tarkibga ega jamoalarning TOP-10 taligi quyidagicha ko’rinish olgan.
1. “Chelsi” – 1,28 milliard yevro
2. “Manchester Yunayted” – 1,04 milliard yevro
3. “Manchester Siti” – 1,02 milliard yevro
4. “Arsenal” – 789 million yevro
5. “Tottenhem” – 787 million yevro
6. PSJ – 772 million yevro
7. “Liverpul” – 735 million yevro
8. “Real Madrid” – 720 million yevro
9. “Nyukasl” – 683 million yevro
10. “Yuventus” – 626 million yevro
