Saudiyaning “Al-Ahli” klubi hujumchisi Ayvan Toni yangi jamoasida qancha maosh olishi ma’lum bo’ldi. Bu haqda Fabritsio Romano xabar berdi.
Manbaga ko’ra, forvardning belgilangan maoshi haftasiga 475 ming yevroni tashkil qiladi. Shuningdek, Toni bonuslar bilan birga 593 ming yevro olishi mumkin.
Eslatib o’tamiz, “Al-Ahli” 28 yoshli futbolchining transferini 31-avgust kuni e’lon qilgandi. Ayvan saudiyaliklar bilan 2028-yilning yoziga qadar mo’ljallangan shartnoma imzolagan.
Ma’lumot uchun, Toni 2020-yilning sentyabridan beri “Brentford” klubida o’ynab kelayotgandi. U o’tgan mavsum barcha musobaqalarda 17 ta o’yinda maydonga tushib, 4 ta gol va 2 ta golli uzatmaga mualliflik qildi.
