Yarim o’rta vazn toifasida amaldagi UFC chempioni Bilol Muhammad Shavkat Rahmonovni chempionlik janggidan bo’yin tovlaganlikda ayblagani uchun tanqid qildi.
“Men jangdan qochamanmi? O’ylaymanki, Shavkat va Usman haqiqiy birinchi raqamli davogarni aniqlash uchun kurashishi kerak.
Bu juda kulguli, men iyul oyida chempion bo’lganman, Shavkat esa 2023-yildan beri jang o’tkazmagan”, – deb yozdi Muhammad o’zining X sahifasida.
Ma’lumot uchun, Shavkat Rahmonov professional faoliyati davomida 18 ta jangda ishtirok etgan va ularning barchasida muddatidan avval g’alaba qozongan.
Bilol Muhammad esa faoliyati davomida 24 ta g’alabaga erishgan, ularning beshtasi muddatidan avval yakuniga yetgan.
