Og’ir vazn toifasida amaldagi UFC chempioni Jon Jons (27-1-0) va Stipe Miochich (20-4-0) o’rtasidagi jang sanasi ma’lum bo’ldi. Bu haqda promoushen matbuot xizmati xabar berdi.
Manbaga ko’ra, Jons va Miochich o’rtasidagi to’qnashuv 2024-yilning 16-noyabr kuni Nyu-Yorkda tashkil etiladigan UFC 309 turniri doirasida bo’lib o’tadi.
Ma’lumot uchun, Jon Jons o’zining so’nggi janggini 2023-yil mart oyida UFC 285 turnirida Siril Ganga qarshi o’tkazgan va muddatidan avval g’alaba qozongandi.
Stipe Miochich esa o’zining oxirgi janggini 2021-yil 27-mart kuni UFC 260 turnirida Frensis Ngannuga qarshi o’tkazgan va ikkinchi raundda nokautga uchragandi.
