Yengil vazn toifasida Bellator chempioni Usmon Nurmagomedov Aleksandr Shabliyga qarshi jangda uning burchagida Xabib Nurmagomedov bo’lishini aytdi. Bu haqda Gorilla Fighting Energy matbuot xizmati xabar berdi.
Usmon va Aleksandr o’rtasidagi jang 7-sentyabr kuni San-Diegoda bo’lib o’tadigan Bellator turnirining asosiy janggi bo’ladi.
Dastlab, sportchilar may oyi o’rtalarida Parijda jang qilishlari kerak edi, biroq Nurmagomedovning jarohati sabab ushbu jang bekor qilingandi.
Ma’lumot uchun, Usmon professional MMA’da 17 ta jang o’tkazgan va ularning barchasida g’alaba qozongan. Aleksandr esa jami 27 ta jang o’tkazib, uch bor mag’lubiyatga uchragan.
