Myunxenning “Bavariya” klubi bosh murabbiyi Vensan Kompani gollandiyalik himoyachi Matteys de Ligtning ketishiga qarshi bo’lgan. Bu haqda The Athletic nashri xabar bermoqda.
Manbaga ko’ra, de Ligt Kompani bilan suhbatda “Bavariya” uni nima uchun transferga qo’yganini tushunmoqchi bo’lgan. Murabbiy esa futbolchiga rahbariyatning qarori uchun javobgar emasligi va de Ligt u uchun jamoaning birinchi raqamli himoyachisi ekanligini aytgan.
Eslatib o’tamiz, Matteys de Ligt shu yozda “Manchester Yunayted”ga ko’chib o’tdi. Uning Transfermarkt’dagi narxi hozirda 65 million yevroga baholanmoqda.
