Kataloniyaning “Barselona” klubi vingeri Ferran Torres faoliyatini Angliya Premyer ligasida davom ettirishi mumkin.
Football Insider xabariga ko’ra, “Nyukasl” Torresni o’z safiga qo’shib olmoqchi va futbolchi uchun taklif tayyorlamoqda.
Manbaga ko’ra, kataloniyaliklar rahbariyati moliyaviy vaziyatni barqarorlashtirish uchun bir nechta futbolchilarni sotishga to’g’ri keladi. Ferran ham ketish uchun nomzodlardan biri sanaladi.
Ma’lumot uchun, Torres 2022-yil boshida 55 million yevro evaziga “Barselona” safiga kelib qo’shilgandi. Hozirda uning Transfermarkt’dagi narxi 30 million yevroga baholanmoqda.
