UEFA Chempionlar Ligasi chorak final javob uchrashuvlari yakunlangach, Opta nashri superkompyuter orqali musobaqa g‘olibligi uchun asosiy da’vogarni aniqladi.
Unga ko‘ra, Londonning “Arsenal” klubi hozirda musobaqaning oltin medallariga ega chiqish uchun asosiy da’vogar bo‘lib turibdi. Ikkinchi o‘rinni “Inter” egallagan bo‘lsa, kuchli uchlikni “PSJ” yakunlagan.
Turnirda g‘alaba qozonish ehtimoli eng yuqori bo‘lgan klublar reytingi quyidagicha:
• “Arsenal” — 28,7%
• “Inter” — 25,5%
• PSJ — 24%
• “Barselona” — 21,8%
E’tiborlisi, ushbu to‘rt jamoa orasida eng past imkoniyat “Barselona”ga tegishli bo‘lib turibdi. Avvalroq kataloniyaliklar musobaqa favoriti sifatida qayd etilgan edi.
Eslatib o‘tamiz, amaldagi Chempionlar Ligasi g‘olibi Madridning “Real” klubi hisoblanadi. Ular o‘tgan mavsum musobaqa finalida Dortmundning “Borussiya” jamoasini 2:0 hisobida mag‘lubiyatga uchratgan edi.
Umuman olganda, “qirollik klubi” bu musobaqani 15 bor qo‘lga kiritgan hamda turnirning rekordchisi hisoblanadi.
