Londonning “Chelsi” klubi “Gremio”ning 16 yoshli yarim himoyachisi Gabriel Mekni o’z safiga qo’shib olmoqchi.
Tomonlar ushbu transfer borasida kelishuvga erishgan. Bitim narxi bonuslar bilan birga 24 million yevroni tashkil qiladi.
“Aristokratlar” braziliyalik vinger bilan 5+2 ko’rinishida shartnoma imzolagan. Mek 2026-yilda, ya’ni 18 yoshga to’lgandan so’ng “Chelsi” safiga kelib qo’shiladi.
Ma’lumot uchun, Mek hali “Gremio”ning asosiy jamoasida o’ynamagan. U20 terma jamoasi tarkibida 6 ta o’yin o’tkazib, bitta golga mualliflik qilgan.
