Olimpiya o’yinlarining triatlon bo’yicha yakshanba kungi suzish bo’yicha mashg’ulotlari Parijdagi so’nggi kuchli yomg’ir oqibatida, Sena daryosining ifloslanishi natijasida bekor qilindi.
Rahbariyat suv sifatini yaxshilash uchun yangi oqova suv infratuzilmalariga 1,4 millard yevro sarmoya kiritishini ma’lum qilgan.
“Bizda biroz yomg’ir yog’di, lekin o’rnatilgan hamma narsa ishlayapti. Suv toshqini paydo bo’lishining oldi olingan. Shuning uchun biz tez orada suvning sifatini yaxshilashga erishamiz deb o’ylayman, ammo bu ob-havoning o’zgarishiga ham bog’liq”, – deya tushuntirish berdi Parij meri Ann Idalgo.
Xabarlarga ko’ra, agar suv sifati yaxshilanmasa, triatlon musobaqalari bir necha kunga qoldirilishi yoki Parijning sharqidagi Marne daryosi bo’yidagi Vaires-sur-Marne shahriga ko’chirilishi mumkin.