Rafael Nadal saralash bosqichida vengriyalik Martin Fuchovich bilan toʻqnash keldi. Olimpiada oʻyinlarining 2 karra chempioni oʻz raqibini qiyinchiliksiz magʻlubiyatga uchratdi. 3 set davom etgan bahsda hisob quyidagicha koʻrinish oldi: 6:1, 4:6 6:4.
Ispaniyalik tennis ustasining Parij olimpiadasidagi ilk bahsini tomosha qilish uchun kortga Zinedin Zidan ham tashrif buyurgan. Nadal keyingi bosqichda jahon reytingida 2-oʻrinni egallab turgan serbiyalik raketka ustasi Novak Jokovichga qarshi bellashadi. Ular dastlab 2006-yilda birinchi marotaba kortda uchrashishgan. Oʻshanda Rafael 20 yoshda, Novak 19 yoshda edi.
Oradan 18 yil oʻtib, ular Parijda Olimpiada oʻyinlarining ikkinchi bosqichida uchrashishadi. Kim gʻalaba qozonishidan qatʼiy nazar gʻoliblik uchun asosiy daʼvogarlardan biri musobaqani tark etadi.
Eslatib o’tamiz, avvalroq Jokovich yana Nadal bilan birga o’ynashga umid qilayotgani va bu bahs ular o’rtasidagi so’nggi uchrashuv bo’lishi mumkinligini takidlagandi.
