Portugaliya terma jamoasi va Saudiyaning “An-Nassr” klubi hujumchisi Krishtianu Ronaldu faoliyatini yakunlaganidan so’ng nima bilan shug’ullanishi haqida gapirdi.
“Men kelajak haqida bashorat qila olmayman. O’zimni boshqa futbolchilardan ustun qo’ymayman. To’g’risini aytsam, murabbiylik men uchun emas. Keyingi 5, 10 va hatto 20 yil ichida murabbiylik faoliyati bilan shugullanmayman. Biroq hayotda hamma narsa bo’lishi mumkin.
Men Saudiyaga nafaqat futbol o’ynash uchun, balki mamlakatni o’zgartirishga yordam berish uchun ham kelganman. Ha, men portugaliyalikman, ammo hozir Saudiya Arabistonining bir qismiman”, – deydi Ronaldu.
Eslatib o’tamiz, Krishtianu Ronaldu 2023-yildan buyon “An-Nassr” safida o’ynab kelmoqda. Uning riyodliklar bilan tuzgan amaldagi shartnomasi 2027-yilga qadar amal qiladi.
