Portugaliyalik hujumchi Krishtianu Ronaldu “An-Nassr” bilan shartnomasini uzaytirdi. Bu haqda klub matbuot xizmati xabar bermoqda.
Manbaga ko’ra, tomonlar o’rtasida 2027-yilgacha mo’ljallangan yangi kelishuv imzolangan.
Eslatib o’tamiz, Ronaldu o’tgan mavsum “An-Nassr” bilan hech qanday sovrin qo’lga kirita olmadi. Riyodliklar Saudiya Pro-ligasida 70 ochko jamg’arib, 3-o’rinni egalladi.
Ronaldu 2023-yilning yanvar oyidan buyon “An-Nassr” safida o’ynab kelmoqda. U o’tgan mavsum barcha turnirlarda 41 ta o’yinda maydonga tushib, 35 ta gol urdi va 4 ta golli uzatmani amalga oshirdi.
