“Manchester Siti” bosh murabbiyi Pep Gvardiola Klublar o’rtasidagi Jahon chempionatining 3-turidan o’rin olgan “Yuventus”ga qarshi o’yinda kimlar maydonga tushishi haqida fikr bildirdi.
“Endi 11 ta o’zgarish bo’lmaydi. Eng yaxshi 11 nafar futbolchi asosiy tarkibda maydonga tushadi. Chunki biz “Yuventus”ni yutishimiz kerak. Yutish uchun esa eng zo’rlar o’ynashi talab etiladi”, – deydi ispaniyalik mutaxassis.
Ma’lumot uchun, “Manchester Siti” va “Yuventus” o’rtasidagi uchrashuv 27-iyun kuni Toshkent vaqti bilan soat 00:00 da bo’lib o’tadi. Ushbu bahs “G” guruhi g’olibini aniqlab beradi.
