Kataloniyaning “Barselona” klubi hujumchisi Robert Levandovski 2026-yilning yozida, “ko’k-anorranglilar” bilan shartnomasi yakunlangach Saudiya Arabistoni klublaridan biriga o’tishi mumkin. Bu haqda Sport.es nashri xabar bermoqda.
Manbaga ko’ra, “Bardelona” 36 yoshli hujumchi bilan kelishuvni uzaytirmoqchi emas. Qayd etilishicha, Levandovski faoliyatini Saudiyada davom ettirish istagini uning agentligi vakili tasdiqlagan.
Ma’lumot uchun, Levandovski o’tgan mavsum barcha turnirlarda 52 ta o’yinda maydonga tushib, 42 ta gol urdi va 3 ta golli uzatmani amalga oshirdi. Uning Transfermarkt’dagi narxi 12 million yevroga baholanmoqda.
