Klublar o’rtasidagi Jahon chempionatining “F” guruhi 1-turidan o’rin olgan “Ulsan Xyunday” va “Mamelodi Sandaunz” (0:1) o’rtasidagi bahsda “8 soniya” qoidasi ilk bor foydalanildi.
Uchrashuvning 83-daqiqasida “Mamelodi Sandaunz” darvozaboni Ronuen Uilyams to’pni qo’lida uzoq vaqt ushlab turgani uchun hakam burchak to’pi belgiladi. Bu epizod futbol tarixida ilk bor kuzatildi.
Eslatib o’tamiz, 2025-yilning mart oyi boshida Futbol assotsiatsiyalari xalqaro kengashi (IFAB) ilk marta ushbu vaziyatga to’xtalib, yangi qoida taklif qilgandi.
Unga ko’ra, agar darvozabon to’pni qo’lida 8 soniyadan ko’p ushlab tursa, raqib jamoa foydasiga burchak zarbasi beriladi. Sal kam 1 oyda kengash ushbu qoidani tasdiqladi.
