Jahon chempionati saralash bosqichi doirasidagi BAA’ga qarshi o’yinda jarohat olgan Oston O’runov Qatar bilan bo’ladigan bahsni o’tkazib yuboradi.
Xabarlarga ko’ra, O’zbekiston milliy terma jamoasi murabbiylar shtabi O’runovning o’rnini Bobur Abduxoliqov bilan to’ldiradi.
Ma’lumot uchun, Abduxoliqov ushbu mavsum “Sumqayit” safida 13 ta o’yin o’tkazib, 4 ta gol urdi va 3 ta golli uzatmani amalga oshirdi.
Shuningdek, Bobur terma jamoamiz tarkibida 18 ta o’yinda maydonga tushib, bitta golga mualliflik qilgan.
Eslatib o’tamiz, O’zbekiston – Qatar o’yini 10-iyun kuni Toshkent vaqti bilan soat 18:45 da “Bunyodkor” stadionida start oladi.
