Ertaga O’zbekiston milliy terma jamoasi Jahon chempionati saralash bosqichi doirasida BAA’ga qarshi maydonga tushadi.
Uchrashuvdan oldin tashkil etilgan matbuot anjumanida terma jamoamiz a’zosi Jaloliddin Masharipov ham ishtirok etib, ertangi o’yin borasida o’z fikrlari bilan o’rtoqlashdi.
“Hayotimda birinchi bor bunday bosqichga yetib keldik. Ertaga tarix yaratishimiz kerak va o’zbek xalqining kuni bo’lishi lozim.
Barcha uchun, qo’ldan kelgancha, katta bayram qilib berishga harakat qilamiz. Bu yergacha kelganimiz bekorga emas. Vaqti keldi va biz Jahon chempionatiga borishimiz kerak.
Ertaga o’zimizni oqlashga haqqimiz yo’q. Shu paytgacha oqlab keldik. Maqsadimiz – butun O’zbekistonni xursand qilish”, – deydi Masharipov.
Eslatib o’tamiz, BAA – O’zbekiston o’rtasidagi bahs ertaga, 5-iyun kuni Toshkent vaqti bilan soat 21:00 da start oladi. Ushbu uchrashuvdagi durang natija ham bizni mundialga olib chiqadi.
