PSJ prezidenti Nosir Al-Xelayfi “Liverpul” hujumchisi Muhammad Salohning transferi haqidagi mish-mishlarni inkor etdi.
Eslatib o’tamiz, avvalroq misrlik futbolchi Parijga ko’chib o’tishga rozi bo’lgani haqida xabar berilgandi. Uning mersisaydliklar bilan tuzgan amaldagi shartnomasi 2025-yilning yozida yakuniga yetadi.
“Bu haqiqat emas. U fantastik o’yinchi, lekin rostini aytsam, biz uni hech qachon jamoaga jalb qilmaganmiz.
Biz bilamizki, har qanday klub unga ega bo’lishni xohlaydi, ammo biz haqimizdagi mish-mishlar haqiqatga to’g’ri kelmaydi.
Yanvar oyida mumkin bo’lgan transferlar? Agar shunday imkoniyat paydo bo’lsa, albatta, biz uni ko’rib chiqamiz”, – deydi Al-Xelayfi.
