Fransiyaning PSJ va Kataloniyaning “Barselona” klublari UEFA Chempionlar Ligasining yarim finaliga chiqqan ilk ishtirokchilari bo’ldi. Ikkala jamoa ham javob o’yinida mag’lub bo’ldi, lekin umumiy hisobda keyingi bosqichga yo’l olishdi.
“Barselona” mehmonda Dortmundning “Borussiya”siga 3:1 hisobida imkoniyatni boy berdi, ammo o’z maydonidagi yirik hisobdagi g’alaba (4:0) evaziga yarim final yo’llanmasini qo’lga kiritdi.
PSJ esa safarda “Aston Villa”ga 3:2 hisobida yutqazib qo’ydi, lekin o’z maydonida qo’lga kiritgan ustunlik (3:1) parijliklarga turnirdagi ishtirokini davom ettirishga yetarli bo’ldi.
Ma’lumot uchun, PSJ yarim finalda “Arsenal” – “Real Madrid”, “Barselona” esa “Bavariya” va “Inter” qarama-qarshiligi g’olibi bilan to’qnash keladi.
