FIFA Moskvaning SSKA klubiga 2026-yilning yoziga qadar transfer taqiqi qo’ydi. Bu haqda tashkilot rasmiy sayti xabar berdi.
Manbaga ko’ra, “armiyachilar” kelasi uchta transfer oynasida yangi futbolchilarni ro’yxatdan o’tkaza olmaydi. Ta’kidlanishicha, yangi o’yinchilarini jamoa safiga qo’shib olishga 14-noyabr kunidan taqiq belgilangan.
Qayd etilishicha, SSKA Niderlandiyaning “Xerenvan” klubiga 2020-yil Edjuke transferidan qolgan 3 million yevro miqdoridagi mablag’ni sanksiyalar sababli o’tkaza olmagan va bu FIFA’ning moskvaliklarga nisbatan taqiq qo’llashiga sabab bo’lgan.
Ma’lumot uchun, ushbu taqiq faqat jamoaga yangi qo’shiladigan futbolchilar uchun amal qiladi, ketadiganlar uchun emas.
