Madridning “Real” klubi murabbiylar shtabi Ispaniya Kubogi finalida “Barselona” ustidan g‘alaba qozonish uchun o‘z strategiyasini ishlab chiqdi. Bu haqda Football Espana nashri xabar bermoqda.
Manbaga ko‘ra, “Real” dastlabki 60 daqiqada raqobatbardosh o‘yin ko‘rsata olsa, yakunda g‘alabani qo‘lga kiritishiga ishonmoqda.
Jamoa murabbiylari “Barselona” futbolchilari o‘yinning so‘nggi daqiqalarida jismoniy jihatdan qiynalishini kuzatgan. Shu boisdan, “Real” o‘zining yuqori jismoniy tayyorgarligiga tayangan holda kubokni qo‘lga kiritishiga ishonmoqda.
Eslatib o’tamiz, “Real Madrid” – “Barselona” o’rtasidagi hal qiluvchi bahs 26-apreldan 27-aprelga o’tar kechasi Toshkent vaqti bilan soat 01:00 da start oladi.
