SSKA klubi bosh direktori Roman Babayev jamoa yarim himoyachisi Abbosbek Fayzullayevga “Galatasaroy” qiziqish bildirayotgani haqidagi xabarlarga munosabat bildirdi.
“Men ham sizlar kabi bu xabarni internetda o’qidim. Abbos bo’yicha hech qanday aniq taklif bo’lmadi. Qishda ham hech qanday taklif kelib tushmagandi”, – deydi Roman Babayev.
Eslatib o’tamiz, Fayzullayev 2023-yilning yozidan buyon “armiyachilar” safida harakat qilmoqda. U joriy mavsum 28 ta o’yinda maydonga tushib, 3 ta gol urdi va 7 ta golli uzatmani amalga oshirdi.
