O’zbekiston Superligasida 3-tur uchrashuvlari o’z yakuniga yetdi. Ushbu tur qiziqarli bahslar va kutilmagan natijalar bilan yodda qoldi.
Dastlab, “Xorazm” maydoniga safar qilgan “Buxoro” 4:1 hisobida zafar quchdi. OKMK ham safardan 3:1 hisobidagi g’alaba bilan qaytdi. “Bunyodkor” esa o’z uyida “Surxon”ga hech qanday imkoniyat qoldirmadi – 3:1.
“Mash’al” “So’g’diyona”ni 1:0 hisobida mag’lub etgan bo’lsa, “Qo’qon-1912” va “Sho’rtan” bahsida hisob ochilmadi.
Turning ikki markaziy o’yinida ham g’olib nomi aniqlanmadi. “Navbahor” va “Andijon” 2:2 hisobida jangovor durangga imzo chekkan bo’lsa, “Nasaf” – “Neftchi” o’yini nursiz durang bilan yakunlandi.
3-turning eng kutilmagan natijasi Toshkentda qayd etildi. O’z uyida “Dinamo”ni qabul qilgan “Paxtakor”, garchi o’yin borasida ustunlikka erishgan bo’lsa-da, bu natijada o’z aksini topmadi va 0:1 hisobida mag’lubiyatga uchradi.
3-tur yakunlariga ko’ra turnir jadvali quyidagicha ko’rinish oldi.
