Afsonaviy futbolchi Diyego Maradonaning o’g’li Sinagra otasining vafoti haqida gapirdi. Uning fikricha, Maradona shifokorlarning beparvoligi sabab vafot etgan.
“Mening otamni o’ldirishgan. Bu aniq. Shifokorlar unga yetarlicha g’amxo’rlik qilishmagan va uni qutqarib qolish uchun hech bir chora ko’rishmagan.
Agar unga yaxshi munosabatda bo’lishganida, u hozir shu yer o’tirgan bo’lishi mumkin edi. Ishonchim komilki, bu beparvolik ekanligini isbotlaymiz”, – deydi Sinagra.
Eslatib o’tamiz, rasmiy ma’lumotlarga ko’ra, Maradona yurak yetishmovchiligidan vafot etgan. Biroq OAV Diyegoning o’limi aslida shifokorlarning aybi bilan sodir bo’lganini ta’kidlamoqda.
