Ispaniya La Ligasining 28-turidan o’rin olgan uchrashuvda Kataloniyaning “Barselona” klubi “Atletiko” maydoniga safar qildi va 4:2 hisobida g’alaba qozondi.
“Barselona” 2:0 hisobida ortda borayotgan bir paytda Robert Levandovski jamoasining joniga oro kirdi. Aynan polshalik hujumchining goli sabab kataloniyaliklar o’yinga qaytdi va remontadani amalga oshirdi.
Shu tariqa, Levandovski joriy mavsum barcha turnirlarda 40 ta o’yin o’tkazib, 35 ta gol urishga muvaffaq bo’ldi va “Barselona” safida so’nggi to’rt mavsumda 35 va undan ko’p gol urgan birinchi futbolchiga aylandi.
Ma’lumot uchun, bu ishni oxirgi bor 2020/2021-yilgi mavsumda Lionel Messi uddalagandi. O’shanda argentinalik yulduz klub safida 47 ta o’yinda maydonga tushib, 38 ta golga mualliflik qilgandi.
