“An-Nassr” va Portugaliya terma jamoasi hujumchisi Krishtianu Ronaldu futboldagi kumirlari kim ekanligini borasida fikr bildirdi.
“Ronaldo va Ronaldinyo futbolda ko‘p narsa qoldirdi. Men ulardan ko‘proq individual sovrinlarni yutgan bo‘lishim mumkin, ammo ular Jahon chempioni bo‘lishgan.
Men ularning o‘yinlarini tomosha qilib ulg‘ayganman va ular mening kumirlarim. Kim yaxshiroq ekanligi muhim emas, eng muhimi – ularning futbol tarixiga qo‘shgan hissasi”, – deya Ronaldu so‘zlarini keltirdi Give Me Sport nashri.
40 yoshli portugaliyalik futbolchi faoliyati davomida 925 ta gol urishga muvaffaq bo‘lgan.
U hozirgacha “Sporting”, “Manchester Yunayted”, “Real”, “Yuventus” va “An-Nassr” kabi jamoalarda to‘p tepgan.
