Madridning “Real” klubi joriy mavsumda tanqidlar yomg’iri ostida qolganiga qaramay, yarim himoyachi Aurelian Tchuamenini sotmoqchi emas. Bu haqda Marca xabar bermoqda.
Manbaga ko’ra, “qaymoqranglilar” fransiyalik futbolchini jamoa kelajagining bir qismi sifatida ko’rishda davom etmoqda. Unga rahbariyat va bosh murabbiy Karlo Anchelotti ham ishonch bildirmoqda.
Eslatib o’tamiz, avvalroq “Real” muxlislari Tchuameniga bir necha bor tanqid toshlarini otishgandi. Ulardan biri YChL doirasida “Milan” qarshi o’yinda sodir bo’lgan (3:1).
Uchrashuvda fransiyalik futbolchining xatosi sabab jamoa gol o’tkazib yuborgandi. Shundan so’ng ispan grandi muxlislari to’p har gal Tchuameniga tushganida hushtakbozlik bilan qarshi olishgandi.
