Saudiya Arabistonining Ar-Riyod shahrida tashkil etilgan professional boks oqshomi doirasida o‘zbekistonlik Isroil Madrimov ringga chiqdi.
Super yarim o‘rta vazn toifasida jang qiluvchi Madrimovga bu safar WBC Interim chempioni, amerikalik Verjil Ortis JR raqiblik qildi.
12 raundlik chempionlik jangi to‘liq davom etdi va unda hakamlarning yakdil qarori bilan (117-111, 115-113, 115-113) Virjil Ortis g‘alaba qozonib, o‘z kamarini saqlab qoldi.
Hozirga qadar 29 yoshli Isroil Madrimov 12 ta jang o‘tkazib, 10 ta g‘alaba, 1 ta mag‘lubiyat va 1 ta durang qayd etgan edi. Endi uning hisobida 2 ta mag‘lubiyat bor. 26 yoshli Verjil Ortis Junior g‘alabalari sonini 23 taga yetkazdi. U so‘nggi jangida Madrimovning bo‘lajak raqibi Bogachukni ochkolar hisobiga ko‘ra taslim etgandi.
Madrimov 21-dekabr kuni Ukraina vakili Sergey Bogachukka qarshi ringga chiqishi kerak edi. Biroq bokschi o‘tkir bronxit tufayli mazkur jangda ishtirok eta olmagandi.
