Ispaniya terma jamoasi va Bilbaoning “Atletik“ klubi vingeri Niko Uilyams faoliyatini Londonning “Chelsi” klubi safida davom ettirishi mumkin.
Ingliz matbuotining yozishicha, “aristokratlar” rahbariyati 22 yoshli vingerni jamoadagi eng ko’p maosh oluvchi futbolchiga aylantirishga tayyor.
Londonliklar Uilyamsni “Atletik”dan 60 million yevroga sotib olishlari mumkin, bu uning mehnat shartnomasidagi tovon puli sifatida ko’rsatilgan.
Ma’lumot uchun, Niko 2021-yilning yozidan buyon bilbaoliklar safida o’ynab kelmoqda. Tomonlar o’rtasidagi amaldagi shartnoma 2027-yilning yozida yakuniga yetadi.
