“Manchester Siti” bosh murabbiyi Pep Gvardiola jamoaning uchta asosiy futbolchisi bilan birdaniga xayrlashishga qaror qildi. Bu haqda El Nacional xabar bermoqda.
Manbaga ko’ra, ispaniyalik mutaxassis klubni qayta qurishni rejalashtirmoqda va Kevin De Bruyne, Bernardo Silva va Ilkay Gyundoganlarning sotuvi bu jarayonni tezlashtirishga yordam beradi, deb hisoblamoqda.
Qayd etilishicha, Fil Fodenning ham kelajagi so’roq ostida turibdi. Unga hozirda “Bavariya” va “Real” qiziqish bildirmoqda. Agar 150 million yevrolik taklif tushsa, “shaharliklar” ingliz futbolchisi bilan xayrlashishga tayyor.
Eslatib o’tamiz, Gvardiola yaqinda “Manchester Siti” bilan shartnomasini uzaytirgandi. Ayni damda ispaniyalik mutaxassis jamoasi APL’da peshqadam “Liverpul”dan 16 ochko ortda qolib, to’rtinchi o’rinda bormoqda.
