Madridning “Real” klubi 24 yoshli braziliyalik hujumchi Vinisius Juniorga bo‘layotgan Saudiya Arabistoni klublarining qiziqishi haqida tarqalgan xabarlarga qanday munosabatda ekani ma’lum bo‘ldi. Bu haqda Relevo nashri xabar bermoqda.
Manbaga ko‘ra, klub matbuotda paydo bo‘lgan shov-shuvlardan xabardor, lekin vahimaga tushmayapti. Sababi Vinisiusning “Real” bilan shartnomasi 2027-yilgacha amal qiladi va unda 1 milliard yevro miqdorida tovon puli belgilangan. “Qirollik klubi” futbolchini sotish niyatida emas va kelajakda shartnomani qachon uzaytirishni o‘zi hal qiladi.
Avvalroq Vinisius Junior “Real” bilan shartnomani uzaytirishdan bosh tortgani va unga Saudiya klublari jiddiy qiziqayotgani haqida xabarlar tarqalgan edi.
Eslatib o’tamiz, braziliyalik futbolchi 2018-yildan beri “Qirollik klubi”da o‘ynaydi. Ushbu davr mobaynida 193 uchrashuvda maydonga tushib, 57 bor raqiblar darvozasini ishg‘ol qilgan. Transfermarkt portali futbolchining bozor qiymatini 200 million yevroga baholagan.
