Angliya Premyer-ligasining 15-turidan o’rin olgan qoldirilgan o’yinda “Liverpul” va “Everton” o’rtasida Mersisayd derbisi bo’lib o’tdi va unda tomonlar 2:2 hisobidagi jangovor durangga imzo chekishdi.
Ushbu bahsda Muhammad Saloh bitta gol urdi va bitta golli uzatmani amalga oshirdi.
Squawka xabariga ko’ra, Saloh 31 yil oldingi statistik ko’rsatkichni yangilab, APL’ning yangi rekordini o’rnatdi.
Manbaga ko’ra, misrlik forvard Angliya chempionati tarixida bir mavsumdagi safar o’yinlarida gol+pas tizimi bo’yicha 22 ochko to’plagan tarixdagi birinchi futbolchiga aylandi. Saloh joriy mavsum APL’da 13 ta o’yin o’tkazib, 13 ta gol urdi va 9 ta golli uzatmani amalga oshirdi.
Qayd etilishicha, 32 yoshli vinger “Arsenal”ning sobiq hujumchisi Endi Koulning 1993/1994-yilgi mavsumda “Nyukasl” safida o’rnatgan rekordini yangilagan (21 ochko).
Ma’lumot uchun, Saloh joriy mavsum barcha turnirlarda 35 ta o’yinda maydonga tushib, 27 ta gol urdi va 19 ta golli uzatmani amalga oshirdi. Uning Transfermarkt’dagi narxi 55 million yevroga baholanmoqda.
