Bangladeshda amputantlar o‘rtasidagi Osiyo chempionati yakuniga yetdi. 7-fevral kuni start olgan musobaqada O‘zbekiston terma jamoasi finalgacha yetib kelgani haqida ma’lumot berib o‘tgan edik.
Jamoamiz bugun Indoneziyaga qarshi chempionlikni jangini o‘tkazishdi. Unda yigitlarimiz 6:0 hisobida g‘alaba qozonishdi. Futbolchilarimiz raqib darvozasiga har bir bo‘limda 3 tadan gol urishdi.
Ma’lumot o‘rnida, O‘zbekiston amputantlar terma jamoasi finalga qadar barcha raqiblarini yirik hisobda mag‘lubiyatga uchratgan edi. Dastlab Indoneziya 8:1, so‘ng Nepal 13:0 hisobida mag‘lub etildi. Keyingi uchrashuvlarda Bangladesh va Iroq termalari ustidan 3:0 hisobida g‘alaba qozonildi.
