Madridning “Real” klubi hujumkor yarim himoyachisi Jud Bellingem Ispaniya La Ligasining 23-turidan o’rin olgan “Atletiko”ga qarshi bahsda (1:1) laynsmenni haqorat qilgani uchun jazolanishi mumkin. Bu haqda Sport.es xabar bermoqda.
Manbaga ko’ra, uchrashuvning 12-daqiqasida sodir bo’lgan voqea yuzasidan to’plangan dalil va hujjatlar hakamlar texnik qo’mitasiga (XTA) taqdim etilgan.
Ma’lumot uchun, Bellingem joriy mavsum barcha turnirlarda 31 ta o’yinda maydonga tushib, 10 ta gol urdi va 10 ta golli uzatmani amalga oshirdi. Uning Transfermarkt’dagi narxi 180 million yevroga baholanmoqda.
