Fransiyaning “Bordo” klubi professional maqomidan voz kechishini ma’lum qildi. Buning sababi esa moliyaviy inqiroz deb aytilmoqda.
“Bordo” endilikda klub futbolchilari va xodimlarining maoshini qoplay olmaydi. O’tgan mavsumda futbolchilar va asosiy jamoa xodimlarining umumiy maoshi 25 million yevroni tashkil qilgan. 30-iyun holatiga ko’ra, klub 40 million yevro zarar ko’rgan.
Professional klub maqomidan voz kechish barcha futbolchilar bilan shartnomalarni bekor qilinishiga va 70 nafar yoshlarni tarbiyalaydigan mashg’ulot markazining yopilishiga olib keladi.
Ma’lumot uchun, Fransiyaning 6 karra chempioni 1937-yildan buyon professional klub maqomida faoliyat yuritayotgan edi.
