“Milan” “Chelsi”dan ijaraga olingan Joau Feliks bilan hamkorlikni davom ettirmoqchi.
Portugaliyalik futbolchining ijarasi mavsum oxiriga qadar amal qiladi va sotib olish bandini o’z ichiga olmaydi.
Shunga qaramay, Football Italia xabariga ko’ra, “rossonerilar” rahbariyati mavsum yakunlanganidan so’ng qanday qilib forvardni o’z saflarida saqlab qolish haqida o’ylamoqda.
Biroq “Chelsi” Feliksni yozda 40 million yevrodan kamiga qo’yib yubormaydi. Chunki bu mablag’ futbolchining transferidagi moliyaviy yo’qotishlarni yopish imkonini beradi.
Eslatib o’tamiz, Feliks “Milan” safida “Roma”ga qarshi o’yinda o’z debyutini o’tkazdi va debyut golini urdi.
