Superog‘ir vazn toifasidagi bokschimiz, ikki karra Olimpiada chempioni Bahodir Jalolov bizning vaqt bilan ertaga tong saharda Kanadaning Monreal shahrida tashkil etiladigan oqshomda o‘zining navbatdagi jangini o‘tkazishi kerak edi.
Afsuski, uning fransiyalik Devid Spilmontga qarshi kechadigan jangi bekor qilinibdi. Bunga Jalolovning lab qismidagi kichik husnbuzar (ugri) sabab sifatida ko‘rsatilibdi. Bokschilar rasmiy tarozidan o‘tish marosimida ham qatnashib ulgurishgandi.
Ma’lumot uchun, Bahodir Jalolov prof faoliyati davomida hozirga qadar 14 ta jang o‘tkazib, ularning barchasida g‘alaba qozongan. Devid Spilmont esa shu kungacha 25 ta jang o‘tkazib, 16 g‘alaba, 8 mag‘lubiyat va 1 ta durang qayd etgan. Gʻalabalarining 11 tasini nokaut orqali qo‘lga kiritgan.
