O’rta vazn toifasida amaldagi UFC chempioni Drikus dyu Plessi promoushendagi eng kuchli besh nafar jangchi kimligini aytdi.
E’tiborli jihati, dyu Plessi reytingga Xabib Nurmagomedovni kiritmagan. Uning o’rniga Konor MakGregorni e’tirof etgan.
Shuningdek, P4P reytingi yetakchisi Islam Maxachev ham janubiy afrikalikning ro’yxatidan joy olmagan.
“Eng buyuklar ro’yxati – bu qiyin savol. Aytmoqchimanki, siz buyuk Jon Jonsni hech qachon inkor eta olmaysiz. U barcha davrlarning eng buyugidir.
Keyin, albatta, sportni qanday o’zgartirgani, sportga qanday yondashgani borasida menga katta ilhom baxs etgan Konor MakGregor. U meni yoshligimdan ilhomlantirgan.
Anderson Silva men doimo uning janglarini kuzatadigan yigit edi. Albatta, siz mening janglarimni ko’rgansiz, Anderson Silvaning uslubiga o’xshamaydi, lekin men doimo unga o’xshashga harakat qilardim.
Keyin mening sevimli jangchilarimdan biri, men birga mashq qilgan va men bilgan yigit. Eng yaxshilaridan biri Gilbert Berns…”, – deydi dyu Plessi.
Drikus, shuningdek, uni sportga olib kirgan Mirko Filipovich (Cro Cop) haqida ham to’xtalib o’tdi. Cro Cop barcha davrlarning eng og’ir vaznli kikbokschilari va MMA jangchilaridan biri hisoblanadi.
