“Manchester Siti” “Portu” yarim himoyachisi Niko Gonsalesga qiziqish bildirmoqda va uni qishda o’z safiga qo’shib olmoqchi.
Sport.es nashrining xabariga ko’ra, agar “shaharliklar” Gonsalesni qo’lga kiritsa, “Barselona” qo’shimcha daromad olishi va MYU vingeri Markus Reshfordni sotib olishi mumkin.
Qayd etilishicha, kataloniyaliklar Nikoning kelajakdagi sotuvidan 40 foiz ulush olishi belgilab qo’yilgan. Shartnomaning ushbu sharti ispaniyalik futbolchi 2023-yilning yozida “Barselona”dan “Portu”ga o’tishidan oldin tuzilgan.
Fabritsio Romanoning yozishicha, “Manchester Siti” allaqachon Gonsales borasida Portugaliya klubi bilan muzokaralarni boshlagan. Uning tovon puli 60 million yevroga baholangan.
