“Roma” klubi hujumchisi Eldor Shomurodov qishki transferlar oynasining so’nggi kunlarida jamoasini o’zgartirishga yaqin turibdi.
Italiya matbuotining yozishicha, 29 yoshli hujumchi uchun kurashda favoritlar bir necha bor o’zgardi. Ayni paytda o’zbek legioneriga “Kalyari”, “Empoli” hamda “Venetsiya”dan jiddiy qiziqish bo’lmoqda.
Taniqli insayder Janluka Di Marsioning xabariga ko’ra, Shomurodov uchun kurashda “Venetsiya”ning imkoniyatlari yuqori baholanmoqda.
“Venetsiya” bosh murabbiyi Eusebio Di Franchesko aynan Eldor Shomurodov nomzodida to’xtaldi. Venetsiyaliklar “Roma”ning 14-raqamli hujumchisining transferini 26-yanvar kuni yakunlaydi.
Garchi o’zbek hujumchisiga “Empoli” ham qiziqish bildirayotgan bo’lsa-da, u faoliyatini “Venetsiya”da davom ettirish imkoniga ega. Klub hozirda Eldorning yakuniy qarorini kutyapti. Ular “Roma” bilan Eldorni keyinchalik sotib olish majburiyati bilan yarim yilga ijaraga olishni kelishib olgan”, – deb ma’lumot berdi Di Marsio.
Ma’lumot uchun, Shomurodov joriy mavsum “bo’rilar” safida jami 15 ta o’yinda maydonga tushib, 2 ta gol urdi va bitta golli uzatmani amalga oshirdi. Uning Transfermarkt’dagi narxi 4 million yevroga baholanmoqda.
