Amerikalik UFC jangchisi Beneil Dariush yengil vazn toifasi chempioni Islam Maxachevning navbatdagi raqibi kim bo’lishi haqida fikr bildirdi.
Eslatib o’tamiz, Maxachev UFC 311 turnirida Renato Moykanoni mag’lub etib, chempionlik unvonini himoya qildi.
“Biz lslam keyingi janggini qachon o’tkazishni xohlayotganini aniqlashimiz kerak. Agar Maxachev oktyabr oyida jang qilishga qaror qilsa, Sarukyan kimnidir mag’lub etishi va o’sha vaqtga qadar tayyorlanishi mumkin.
Agar Maxachev may oyida jang qilsa, Charlz Oliveyra mantiqiyroq raqib. U oxirgi janggida g’alaba qozondi, to’liq yig’in o’tkazishga ulgurdi. Arman esa jarohatidan forig’ bo’lishi va birinchi navbatda boshqasi bilan jang qilishi kerak”, – deydi Dariush.
Ma’lumot uchun, Islam Maxachev professional MMA’da 28 ta jang o’tkazgan va ularning 27 tasida g’alaba qozongan.
