“Manchester Siti” hujumchisi Erling Holand jamoasi bilan o’rtadagi shartnomani 2034-yilning yoziga qadar uzaytirdi. Bu haqda The Athletic xabar bermoqda.
Manbaga ko’ra, yangi bitimga muvofiq futbolchining maoshi klubdagi eng kattasi bo’ladi. Bu tarixdagi eng qimmat shartnomalardan biri ekani aytilmoqda.
Ma’lumot uchun, Holand joriy mavsum klub safida jami 28 ta o’yinda maydonga tushib, 21 ta gol urdi va bitta golli uzatmani amalga oshirdi. Uning Transfermarkt’dagi narxi 200 million yevroga baholanmoqda.
