Kataloniyaning “Barselona” klubi vingeri Lamin Yamal faoliyatini “Real Madrid”da davom ettirishi mumkinligi haqida berilgan savolga javob berdi.
“Yo’q, bunday bo’lishi mumkin emas”, – deya Yamalning so’zlarini keltiradi COPE.
Eslatib o’tamiz, avvalroq 17 yoshli hujumchi “Barselona” bilan shartnomasini 2031-yilga qadar uzaytirgandi.
Ma’lumot uchun, Yamal joriy mavsum barcha turnirlarda 55 ta o’yinda maydonga tushib, 18 ta gol urdi va 25 ta golli uzatmani amalga oshirdi. Uning Transfermarkt’dagi narxi 180 million yevroga baholanmoqda.
