Kataloniyaning “Barselona” klubi 17 yoshli vingeri, Ispaniya terma jamoasi safida Yevropa chempioni bo’lgan Lamin Yamal o’zini Messi bilan taqqoslash haqida gapirdi.
Eslatib o’tamiz, Yamal 2024-yilda mavsumning eng yaxshi futbolchisi uchun beriladigan “Golden Boy” mukofotini qo’lga kiritdi.
– Sizning 17-yoshingizdagi o’yiningiz Messinikidan yaxshiroq. U bilan o’zingizni solishtirasizmi?
– Bu men uchun katta sharaf, lekin men o’z hikoyamni yozishga harakat qilaman. Messi tarixdagi eng zo’ri va men hali dastlabki qadamlarimni tashlayapman.
– Yana qaysi futbolchilarga havas qilasiz?
– Messidan tashqari Neymar va Ronaldinyoga. Asosan o’yindagi qiziqarli uslubi va imidji uchun… Ular doim yangi narsalarni sinab ko’rishadi”, – deydi Yamal.
